童黨喪亂　將軍澳失控

踏入二○一一年，將軍澳雞犬不寧。

一月始，區內各處發生多宗童黨群毆、傷人事件，踏入二月，更一連四天發生童黨傷人打劫案，受害者都是將軍澳區內手無寸鐵的普通居民。
警方高度關注，觀塘警區重案組聯同反黑組探員上週連日在區內進行清洗太平地，試圖遏止這場童黨風暴。
不過，新一代童黨有別於過往，他們只講錢、不講義氣；打人傷人不理後果，對警察對社會強烈不滿，公然挑釁。
新童黨更會利用互聯網 facebook，聯群結隊吹雞晒馬，在短短幾個月，把將軍澳各屋苑變成 o靚仔罪案城，童黨問題全面失控。

將軍澳童黨肆虐，警方自上週始一連幾天，動員大量警力在將軍澳「清洗太平地」，但是童黨氣焰依舊，幾名童黨被截查期間仍高聲叫罵，沒把警方放在眼內。

上週三，將軍澳居民聯同區議員到警察總部示威，申訴該區已淪為童黨罪惡城。
然後一連幾天，觀塘反黑重案組，聯同東九龍警區派出達百名警員高調到將軍澳進行「清洗太平地」，包括各屋邨住宅公園、停車場後樓梯、平台及便利店等地方截查聚集的少年，不過該區童黨氣焰並沒有收斂。
記者跟蹤其中一晚行動，警員在寶林邨附近橋底發現幾名形跡可疑的童黨聚集，上前搜身查問，一幫人等顯等很不合作，口出狂言挑釁警員：「夜晚唔出得街呀？犯法呀？憑咩搜我哋身呀？做警察大×晒呀？」一班少年七嘴八舌叫囂，當中更夾雜尚未變聲的幼稚嗓音。

失控

警員怒不可遏，忍不住向記者大呻︰「呢班將軍澳 o靚仔簡直癲晒，全部失控！」
將軍澳近月發生多宗童黨案件，單在二月最後一星期，便連續四天發生童黨打鬥搶劫案。廿五日深夜十一時，兩名十八歲青年在寶康公園附近遭十多名童黨圍毆。廿六日凌晨，廿多名童黨襲擊約十名在彩明邨聚集青年。廿七日凌晨，一名少女在富寧花園附近被兩名童黨打至重傷及劫去財物。廿八日凌晨，一名城市大學學生在坑口騎單車時，遭四名童黨截劫打傷。
童黨問題不單在深夜才發生，而且已經延伸至白天的校園內：位於將軍澳健明邨的優才（楊殷有娣）書院，在二月份便在八天內，六次遭人高空擲玻璃樽，校方懷疑有童黨在校園對出的屋邨平台擲物襲擊，現時校方封閉前門，學生及教職員均要從後門出入，校務主任更要戴頭盔巡查校園，場面比周星馳的電影更騎呢。
記者找到其中一名受害人，十九歲的阿 May，她便是在二十七日凌晨在寶寧路遭兩名童黨打劫受重傷。阿 May在九龍區任職酒吧侍應，當晚放工深宵時間，坐巴士返回將軍澳坑口住所，在將軍澳醫院巴士站下車時，一名青年突然向她嘴唇及頭部揮拳，另一名青年即強行搶去她的 LV手袋。
阿 May事後診治證實鼻骨碎裂，門牙連根被打脫，傷勢非常嚴重，現時說話仍有困難。「我係一個手無寸鐵女仔，你要搶手袋就攞去，唔使打人 ……。」
阿 May的母親對於女兒被童黨所傷，非常憤怒：「我每日早上凌晨六點幾返工，喺樓下一定見到一大班醉酒鬧事的 o靚仔，聯群結隊，呢一區治安真係好差。」

群黨

西貢區區議員陳繼偉估計，區內街頭現時最少有數百名活躍童黨，分據將軍澳各大屋苑，包括景林邨、翠林邨、彩明苑、寶林邨、坑口邨、厚德邨及尚德邨等。
陳表示，本來各區童黨互不相干，起初只在所屬屋邨區內聚集，但近期童黨開始在私人屋苑吹雞。
「因為將軍澳的青少年如果要出去蒲，最近都要去觀塘，對於佢哋嚟講車費好貴。全將軍澳夜蒲地方就係私人屋苑如新都城商場內的酒吧，於是有錢就去飲酒，冇錢的就去附近商場後樓梯，搞到部分私樓附近都成為童黨聚散點。」陳說。
一名將軍澳地產經紀亦不諱言，將軍澳私樓與公屋混集，近日童黨問題令買家關心。「有人來睇樓都話睇新聞講呢區有很多童黨打劫，我哋就話警察做緊嘢囉。」地產經紀 Kenny說，一些有家庭的準買家表示擔心，打算打退堂鼓。

內訌

「將軍澳主要係老新同 14為主，還有小部分水房，都係各自收 o靚，各有地盤，以收小販陀地、賣私煙為主。但近排搞到立立亂唔關 14事，因為佢哋一早插咗旗响翠林、康盛花園，好少落嚟搞事。今次主要係老新幾個字頭自己內訌。」一名將軍澳的童黨、十七歲的偉仔懶老練地分析起將軍澳黑幫形勢說。
區內童黨為求標奇立異，將自己派系「有咁大吹咁大」，甚至和尖東新義安叔父扯上關係。偉仔指日前新義安三幫人馬都分別自詡為新義安「鬼添」、「花都」及「將新」，其中一名甚至自稱是新義安「五虎十傑」鬼添門生之一的阿群，不斷在將軍澳擴張勢力。
「呢個阿群有一個門生叫做華 Dee，佢收咗三個童黨小頭目，呢三個小頭目見親 o靚仔就話收佢哋做 o靚，而家最少有五十幾個，都係十幾歲的 o靚仔。」
偉仔說，「鬼添」一派企圖吞併以彩明苑為據點的「將新」，兩黨內訌，故發生多宗群黨互毆及傷人事件，有時打架打到「喪咗」，就連途人也打。
「雖然話呢排有警察來查牌，不過佢哋班人好醒，其中一個小頭目周子日日上 facebook update消息，呢班人根本唔驚。」偉仔說。

facebook吹雞

這批將軍澳新童黨，不時會用 facebook吹雞晒馬。其中一個 facebook群組戶口，便是偉仔聲稱的鬼添旗下的童黨小頭目周子所開。
上週警方在將軍澳大力反黑，他便不時在 facebook留言報導最新狀況：「好×多反黑喺樓下」、「十幾二十隻龜（警員）喺樓下」。

收 o靚

偉仔說，區內被踢出校、在屋苑夜蒲的 o靚仔，都是幫會收 o靚目標。
「我上年讀完中三，我五、六個 friend一齊俾人踢咗出校，我哋當時都有即刻求情，但都無用，學校又唔寫推薦信，而家想搵書讀都搵唔到，焗住出去做嘢。」矮小的偉仔邊抽煙邊說︰「基本上你讀唔成書，自然晚晚落嚟同班 friend打躉，坐唔夠幾日，已經有人撩我入會。」他說現時入會不講儀式，最重要是打交。
「睇邊個唔順眼就打邊個，再加上同人爭地盤，又好玩，又威。之後大佬會俾錢去飲飲食食，又會帶我哋落 bar飲嘢，都對我哋幾好 o架，所以我逢雞必應 o架（即每逢老大吹雞晒馬，偉仔均會應邀赴約），一嚟幫到大佬，二嚟一大班人係咁噓對家，個場面幾偉大呀。最高興就係可以堅開波（真打），有次我一個雪糕筒打埋條 o靚仔度，佢瞓低咗仲要典吓典吓，好玩過打機……」
偉仔說，將軍澳區的童黨都識 facebook，近期更利用 facebook最新配置 check-in服務。「即係話如果大佬要『晒馬吹雞』，就會上 facebook搵各兄弟喺將軍澳位置，隨即 call人調配人手行動。」偉仔不耐煩地說。

狂毆

記者透過 facebook相約周子見面，他劈頭第一句便自我介紹說：「我跟華 Dee，對上係群哥，再對上係鬼添。簡單嚟講，我係鬼添條 line。」
周子自稱，他在黨內除了收 o靚，主要職責是打人。「平時咩都唔使做，只係大佬電話到，就出去打交，每個月群哥都會俾幾千蚊我使。」他說不時會吸食可卡因來解酒︰「我呢啲打仔出身，要 keep體能，所以都係好少食。不過有時飲太多酒，之後又要出去打，就索幾下精神啲。」周子一邊吸着煙，一邊說。
周子表示上月參與了多宗圍毆打人案，涉及太多宗，所以自己亦記不清楚。「上星期喺酒吧出面打過幾次，有次對方十幾人，我梗係打×佢哋啦，開咗拖無耐就有差佬拉我。我都係早幾日放出嚟。」他說早已聞風反黑會到將軍澳「洗太平地」，其大佬群哥早已叮囑他近來不要生事。
周口出狂言︰「太多 o靚，管佢哋唔掂。」
香港青年協會西貢及黃大仙外展社工孔令基說，將軍澳區童黨近日因黑幫問題，令暴力事件激增。而童黨勢力坐大，部分童黨便向手無寸鐵的將軍澳居民落手。「警方一定要持續針對童黨問題，加緊巡邏，因為佢哋現在年紀還小，都係十幾歲，還怕警方。」他說前線社工擔心童黨問題持續，會一發不可收拾。

各大屋苑黑幫分布圖

將軍澳童黨問題始於九十年代初，將軍澳剛發展成新市鎮，當年遷入的幼童，現已長大成青少年，令童黨問題愈趨嚴重。
將軍澳現有約四十萬人口，其中六分一是青少年，共約七萬名青少年，是全港青少年人口最多的地區。
童黨主要紮根於公共屋邨內的花園、多層停車場後樓梯、通宵營業的便利店及快餐店，近期伸延至私人屋苑。
將軍澳區內共有廿四間中學及廿四間小學，黑社會社團向中、小學生埋手，招兵買馬，加強勢力，爭奪地盤。